1-се июндә, Балалар көнөнә арнап, баш ҡалала балаларҙың ижади ҡоролтайы мәҙәни форумы ойошторола.
Унда үҙенсәлекле театр сығыш яһарға әҙерләнә. Республика халыҡ ижады үҙәгенең "Күңел күҙе" атҡаҙанған инклюзив халыҡ театрының йәш артистары "Мин бишкә тиклем һанайым" тип аталған спектакль менән сығыш яһай.
Театрҙың етәксеһе – Башҡортостандың халыҡ артисы, Мостай Кәрим исемендәге Милли йәштәр театры актеры Илнур Лоҡманов һәм коллективтың актрисаһы Әлиә Мусина бөгөн беҙҙә ҡунаҡта.
